நாள்தோறும் நாடுக மன்னன் வினைசெய்வான்
கோடாமைக் கோடாது உலகு. – குறள்: 520
– அதிகாரம்: தெரிந்து வினையாடல், பால்: பொருள்
கலைஞர் உரை
உழைப்போர் உள்ளம் வாடாமல் இருக்கும் வரையில் உலகின்
செழிப்பும் வாடாமல் இருக்கும். எனவே உழைப்போர் நிலையை ஒவ்வொரு நாளும் அரசினர் ஆய்ந்தறிந்து ஆவன செய்ய வேண்டும்.
ஞா. தேவநேயப் பாவாணர் உரை
வினைசெய்வான் கோடாமை உலகு கோடாது – அரசியல் வினைசெய்வான் நெறிதவறாவிடின் நாடு கெடாது ; மன்னன் நாள்தோறும் நாடுக – ஆதலால் , அரசன் நாள்தோறும் அவனை ஆராய்க.
மு. வரதராசனார் உரை
தொழில் செய்கின்றவன் கோணாதிருக்கும் வரையில் உலகம் கெடாது; ஆகையால் மன்னன் நாள்தோறும் அவனுடைய நிலைமையை ஆராய வேண்டும்.
G.U. Pope’s Translation
Let king search out his servants’deeds each day;
When these do right, the world goes rightly on its way.
– Thirukkural: 520, Selection and Employment, Wealth
Be the first to comment