இலக்கணக் குறிப்பு அறிவோம்! – பகுதி-1

இலக்கணக் குறிப்பு அறிவோம்! – பகுதி-1

வகுப்பு 6 முதல் 10 வரையிலான மாணவர்கள் மற்றும் டிஎன்பிஎஸ்சி (TNPSC) போட்டித்தேர்வுகள் எழுதுவோர்க்கான இலக்கணக் குறிப்பு.

பண்புத்தொகை

• செந்தமிழ் = செம்மை + (ஆன) + மொழி → பண்புத்தொகை
• பைந்தமிழ் = பசுமை + (ஆன) + மொழி → பண்புத்தொகை
• பெருங்கடல் = பெருமை + (ஆகிய) + கடல் → பண்புத்தொகை
• அருங்காட்சி = அருமை + (ஆன) + காட்சி → பண்புத்தொகை
• வண்தமிழ் = வண்மை + (ஆன​) + தமிழ் = வளமை + (மிக்க) + தமிழ் → பண்புத்தொகை
• வெண்புறா = வெண்மை + (ஆன) + புறா → பண்புத்தொகை
• நன்பொருள்
• தண்டமிழ் = தண்மை + (ஆன) + தமிழ் → பண்புத்தொகை
• நல்லுரை = நன்மை + (ஆகிய) + உரை → பண்புத்தொகை

வினைத்தொகை

• சுடுமண் = சுட்ட மண், சுடுகின்ற மண், சுடும் மண் → வினைத்தொகை
• ஊறுகாய் = ஊறிய காய், ஊறுகின்ற காய், ஊறும் காய் → வினைத்தொகை
• குடிநீர் = குடித்த நீர், குடிக்கின்ற நீர், குடிக்கும் நீர் → வினைத்தொகை
• சுடுசோறு = சுட்ட சோறு, சுடுகின்ற சோறு, சுடும் சோறு → வினைத்தொகை
• குளிர்நிலவு = குளிர்ந்த நிலவு, குளிர்கின்ற நிலவு, குளிரும் நிலவு → வினைத்தொகை
• மூடுபனி = மூடிய பனி, மூடுகின்ற பனி, மூடும் பனி → வினைத்தொகை

உரிச்சொல் தொடர்

• மாநகரம் = மா + நகரம் → உரிச்சொல் தொடர் (இதில் மா என்பது உரிச்சொல்)
• சாலச்சிறந்தது – சால + சிறந்தது → உரிச்சொல் தொடர் (இதில் சால என்பது உரிச்சொல்)
• உறுபசி = உறு + பசி உரிச்சொல் தொடர் (இதில் உறு என்பது உரிச்சொல்)
• உறுபொருள் = உறு + பொருள் உரிச்சொல் தொடர் (இதில் உறு என்பது உரிச்சொல்)

எண்ணும்மை

கீழேயுள்ள சொற்களில் உம் எனும் இடைச்சொல் வெளிப்படையாக வந்துள்ளது.

• எண்ணும் எழுத்தும்
• ஒலியும் ஒளியும்
• இரவும் பகலும்
• ஆடலும் பாடலும்
• நீரும் நிலமும்

உம்மைத்தொகை

கீழேயுள்ள சொற்களில் உம் எனும் இடைச்சொல் மறைந்து வந்துள்ளது.

• எண் எழுத்து
• ஒலி ஒளி
• இரவு பகல்
• ஆடல் பாடல்
• நீர் நிலம்

அடுக்குத்தொடர்

• வாழ்க! வாழ்க!
• வளர்க! வளர்க!
• வருக! வருக!
• எத்தனை? எத்தனை?
• வா! வா!
• போ! போ!
• சிரி! சிரி!

இரட்டைக்கிளவி

• கட கட (எ.கா: கட கட வண்டி)
• சாரை சாரை (எ.கா: எறும்புகள் சாரை சாரையாக சென்றன)
• பட பட (எ.கா: சிறுவன் பட படவென்று வேகமாக பேசினான்)
• மட மட
• சட சட
• சல சல
• தட தட

பெயரெச்சம்

• வந்த (எ.கா: வந்த மாணவன்)
• சென்ற (எ.கா: சென்ற மாணவன்)
• பறந்த (எ.கா: பறந்த பறவை)
• ஓடிய (எ.கா: ஓடிய விலங்கு)
• பாடிய (எ.கா: பாடிய பறவை)
• படித்த (எ.கா: படித்த பாடம்)
• எழுதிய (எ.கா: எழுதிய கவிதை)

வினையெச்சம்

• வந்து (எ.கா: இரயில் வந்து நின்றது)
• சென்று (எ.கா: சென்று வா.)
• பறந்து (எ.கா: அது பறந்து வந்தது)
• ஒடி (எ.கா: ஓடிச் சென்றது)
• பாடி (எ.கா: பாடித் திரிந்தது)
• படித்து (எ.கா: படித்துப் பார்த்தான்)

ஈறுகெட்ட எதிர்மறைப் பெயரெச்சம்

• ஓடா (எ.கா: ஓடா வண்டி)
• பாடா (எ.கா: பாடா குயில்)
• நாறா (எ.கா: நாறா மலர்)
• செல்லா (எ.கா: செல்லாக் காசு)

வேற்றுமைத்தொகை

• நூல் படித்தான் = நூலை + படித்தான் = நூல் + (ஐ) + படித்தான் → இரண்டாம் வேற்றுமைத்தொகை
• தலைவணங்கு = தலையால் வணங்கு = தலை + (ஆல்) + வணங்கு → மூன்றாம் வேற்றுமைத்தொகை
• பள்ளி செல் = பள்ளிக்குச் செல் = பள்ளி + (கு) + செல் → நான்காம் வேற்றுமைத்தொகை
• குயில் பாட்டு = குயிலின் பாட்டு = குயில் + (இன்) + பாட்டு → ஐந்தாம் வேற்றுமைத்தொகை
• அவன் புத்தகம் = அவனது புத்தகம் = அவன் + (அது) ​+ புத்தகம் → ஆறாம் வேற்றுமைத்தொகை
• மலைக்குகை = மலைக்கண் குகை = மலை + (கண்) + குகை → ஏழாம் வேற்றுமைத்தொகை