அறவினை யாதுஎனின் கொல்லாமை கோறல்
பிறவினை எல்லாம் தரும். – குறள்: 321
– அதிகாரம்: கொல்லாமை, பால்: அறம்
கலைஞர் உரை
எந்த உயிரையும் கொல்லாதிருப்பதே அறச்செயலாகும். கொலை
செய்தல் தீயவினைகள் அனைத்தையும் விளைவிக்கும்.
ஞா. தேவநேயப் பாவாணர் உரை
முழுநிறைவான அறச்செயல் எதுவென்று வினவின், அது ஓருயிரையுங் கொல்லாமையாம்; கொலைவினை பிற தீவினைகளெல்லாவற்றின் பயனையும் ஒருங்கே தரும்.
மு. வரதராசனார் உரை
அறமாகிய செயல் எது என்றால் ஓர் உயிரையும் கொல்லாமையாகும்; கொல்லுதல் அறமல்லாத செயல்கள் எல்லாவற்றையும் விளைக்கும்.
G.U. Pope’s Translation
What is the work of virtue? ‘Not to kill’;
For ‘killing’ leads to every work of ill.
– Thirukkural: 321, Not Killing, Virtues
Be the first to comment