கேட்டினும் உண்டுஓர் உறுதி – குறள்: 796

கேட்டினும் உண்டுஓர் உறுதி கிளைஞரை
நீட்டி அளப்பதுஓர் கோல். – குறள்: 796

– அதிகாரம்: நட்பு ஆராய்தல், பால்: பொருட்பால்

கலைஞர் உரை

தீமை வந்தால் அதிலும் ஒரு நன்மை உண்டு. அந்தத் தீமைதான்
நண்பர்கள் எப்படிப்பட்டவர்கள் என்று அளந்து காட்டும் கருவியாகிறது.

ஞா. தேவநேயப் பாவாணர் உரை

தீமையாக எல்லாராலுங் கருதப்படும் கேட்டிலும் ஒரு நன்மை யுண்டாம்; அது என்னவெனின், அக்கேடேதன் நண்பரெல்லாரின் அன்பையும் நன்றாக அளந்தறிய வுதவும் ஓர் அளவுகோல் என்பதாம்.

மு. வரதராசனார் உரை

கேடு வந்தபோதும் ஒருவகை நன்மை உண்டு; அக்கேடு ஒருவனுடைய நண்பரின் இயல்புகளை நீட்டி அளந்து பார்ப்பதொரு கோலாகும்.

G.U. Pope’s Translation

Ruin itself one blessing lends:
‘Tis staff that measures out one’s friends.

 – Thirukkural: 796, Investigation formatting Friendships, Wealth