இலன்என்னும் எவ்வம் உரையாமை ஈதல்
குலன்உடையான் கண்ணே உள.– குறள்: 223
– அதிகாரம்: ஈகை, பால்: அறம்
கலைஞர் உரை
தமக்குள்ள வறுமைத் துன்பத்தைக் காட்டிக்கொள்ளாமல் பிறருக்கு
ஈவது உயர்ந்த குடிப்பிறந்தவரின் பண்பாகும்.
ஞா. தேவநேயப் பாவாணர் உரை
யான் ஏழையென்று இரப்போன் சொல்லும் இழிவுரையைத் தான் பிறனிடத்துச் சொல்லாமையும்; அவ் விரப்போன் வேண்டியதொன்றை இல்லையென்னாது அவனுக்கு ஈதலும்; ஆகிய இரண்டும் உயர்குடிப் பிறந்தான் கண்ணே உள்ளன.
மு. வரதராசனார் உரை
`யான் வறியவன்’ என்னும் துன்பச் சொல்லை ஒருவன் உரைப்பதற்கு முன் அவனுக்கு கொடுக்கும் தன்மை, நல்ல குடிப்பிறப்பு உடையவனிடம் உண்டு.
G.U. Pope’s Translation
‘I’ ve nought’ is ne’er the high – born man’s reply;
He gives to those who raise themselves that cry.
– Thirukkural: 223, Giving, Virtues
Be the first to comment