நாநலம் என்னும் நலனுடைமை அந்நலம்
யாநலத்து உள்ளதூஉம் அன்று. – குறள்: 641
– அதிகாரம்: சொல்வன்மை, பால்: பொருள்
கலைஞர் உரை
சொல்வன்மைக்கு உள்ள சிறப்பு வேறு எதற்குமில்லை. எனவே அது செல்வங்களில் எல்லாம் சிறந்த செல்வமாகும்
ஞா. தேவநேயப் பாவாணர் உரை
நாநலம் என்று அறிவுடையோரால் உயர்வாகச் சொல்லப்படும் நன்மை அமைச்சர்க்குச் செல்வம் ஆவதாம்; அந்நன்மை வேறு எவ்வகை நற்பேறுகளுள்ளும் அடங்காது தனிப்பட்டதாம்.
மு. வரதராசனார் உரை
நாவன்மையாகிய நலம் ஒருவகைச் செல்வம் ஆகும்; அந்த நாநலம் தனிச்சிறப்புடையது. ஆகையால் மற்ற எந்த நலங்களிலும் அடங்குவது அன்று.
G.U. Pope’s Translation
A tounge that rightly speaks the right is greatest gain,
It stands alone midst goodly things that men obtain.
– Thirukkural: 641, Power of Speech, Wealth
Be the first to comment