குறள் படித்தேன் – பாரதிதாசன் கவிதை
குறள் படித்தேன் குறள் படித்தேன்
குணமடைந்தேன் நான் – தூய
குருதி கொண்டேன் நான்!
உறுதி கொண்டேன் நான்!
குறள் படித்தேன் குறள் படித்தேன்
குறைக ளைந்தேன் நான் – மனக்
கொழுமை கொண்டேன் நான் – உயிர்ச்
செழுமை பெற்றேன் நான்!
அறம் படித்தேன் பொருள்படித்தேன்
இன்பம் படித்தேன் – அறி
வின்பம் குடித்தேன் – உலகத்
துன்பம் துடைத்தேன்!
திறம் படைத்தேன் உரம் படைத்தேன்
திருக்குற ளாலே – முப்பால்
தருங் குற ளாலே – உலகு
ஒழுங்குற ளாலே!