ஊழையும் உப்பக்கம் காண்பர் உலைவுஇன்றித் தாழாது உஞற்று பவர். – குறள்: 620
– அதிகாரம்: ஆள்வினை உடைமை, பால்: பொருள்
கலைஞர் உரை
“ஊழ்” என்பது வெல்ல முடியாத ஒன்று என்பார்கள். சோர்வில்லாமல் முயற்சி மேற்கொள்பவர்கள் அந்த ஊழையும் தோல்வி அடையச் செய்வார்கள்.
ஞா. தேவநேயப் பாவாணர் உரை
தளர்ச்சியின்றித் தாழ்வற விடாது முயல்பவர்; வெல்வதற்கரிய ஊழையும் வென்றுவிடுவர்.
மு. வரதராசனார் உரை
சோர்வு இல்லாமல் முயற்சியில் குறைவு இல்லாமல் முயல்கின்றவர், (செயலுக்கு இடையூறாக வரும்) ஊழையும் ஒரு காலத்தில் தோல்வியுறச் செய்வர்.
G.U. Pope’s Translation
Who strive with undismayed , unfaltering mind.
At length shall leave opposing fate behind.
– Thirukkural: 620, Manly Effort, Wealth