நயன்இலன் என்பது சொல்லும் பயன்இல
பாரித்து உரைக்கும் உரை. – குறள்: 193
– அதிகாரம்: பயனில சொல்லாமை, பால்: அறம்
கலைஞர் உரை
பயனற்றவைகளைப்பற்றி ஒருவன் விரிவாகப் பேசிக் கொண்டிருப்பதே அவனைப் பயனற்றவன் என்று உணர்த்தக் கூடியதாகும்.
ஞா. தேவநேயப் பாவாணர் உரை
ஒருவன் பயனில்லாத பொருள்களைப் பற்றி விரித்துரைக்கும் உரையே; அவன் நேர்மை (நீதி) யில்லாதவன் என்பதை அறிவிக்கும்.
மு. வரதராசனார் உரை
ஒருவன் பயனில்லாத பொருள்களைப் பற்றி விரிவாகச் சொல்லும் சொற்கள், அவன் அறம் இல்லாதவன் என்பதை அறிவிக்கும்.
G.U. Pope’s Translation
Diffusive speech of useless words proclaims
A man who never righteous wisdom gains.
– Thirukkural: 193, Not Speaking Profitless Words, Virtues