துன்புறூஉம் துவ்வாமை இல்லாகும் யார்மாட்டும்
இன்புறூஉம் இன்சொல வர்க்கு. – குறள்: 94
– அதிகாரம்: இனியவை கூறல், பால்: அறம்
கலைஞர் உரை
இன்சொல் பேசி எல்லோரிடத்திலும் கனிவுடன் பழகுவோர்க்கு
‘நட்பில் வறுமை’ எனும் துன்பமில்லை.
ஞா. தேவநேயப் பாவாணர் உரை
யாரிடத்தும் இன்புறுத்தும் இன்சொல்லைச் சொல்வார்க்கு; துன்புறுத்தும் வறுமை இலதாகும்.
மு. வரதராசனார் உரை
யாரிடத்திலும் இன்புறத்தக்க இன்சொல் வழங்குவோர்க்குத் துன்பத்தை மிகுதிப்படுத்தும் வறுமை என்பது இல்லையாகும்.
G.U. Pope’s Translation
The men of pleasant speech that gladness-breathe around, Through indigence shall never sorrow’s prey be found.
– Thirukkural: 94, The Utterance of Pleasant Words, Virtues