முள்ளங்கி துவையல் – சமையல் குறிப்பு – மகளிர் பகுதி – Radish Thick Chutney – Recipe
தேவையான பொருட்கள்
- முள்ளங்கி (வெள்ளை) = 3 பிஞ்சுகள்
- காய்ந்த மிளகாய் = 3
- பச்சை மிளகாய் =1
- கடலை பருப்பு = 25 கிராம்
- தேங்காய்த் துண்டு = 3
- வெங்காயம் = 1 பெரியது
- தனியாத்தூள் = 1 மேசைக்கரண்டி
- புளி = ஒரு சுளை
- பூண்டு = 2 பற்கள்
- கறிவேப்பிலை = சிறிது
- சமையல் எண்ணெய் = 25 மி.லி
- பெருங்காயத்தூள் = 1 சிட்டிகை
- சமையல் உப்பு = தேவைக்கேற்ப
செய்முறை
- முதலில் முள்ளங்கியை நன்றாகக் கழுவி தோல் சீவி எடுக்கவும். பின் அதை சிறிய துண்டுகளாக மெலிதாக அரிந்து கொள்ளவும்.
- அடுப்பை பற்றவைத்து மெதுவாக எரியவிடவும். அதில் பாத்திரத்தை வைத்து ஒரு மேசைக்கரண்டி எண்ணெயை ஊற்றவும். எண்ணெய் காய்ந்தவுடன் காய்ந்த மிளகாய் , கடலை பருப்பு இவற்றை அதில் போட்டு வறுத்து தனியாக எடுத்துவைக்கவும்.
- அரிந்துவைத்த முள்ளங்கியை ஒரு பாத்திரத்தில் எண்ணெய் ஊற்றி அதனுடன் ப.மிளகாய், வெங்காயம் ஆகியவற்றைப் போட்டு பொன் நிறமாக வதக்கி எடுத்துக்கொள்ளவும்.
- தேங்காய்த் துண்டுகளை அரிந்து எடுக்கவும். ஏற்கனவே வறுத்த க.பருப்பு, காய்ந்தமிளகாய், இவற்றை மின் அரைவை எந்திரத்தில் (மிக்சியில்) போட்டு அரைக்கவும். இவை மசிந்தவுடன் தேங்காய், முள்ளங்கி, புளி, ப.மிளகாய், பூண்டு, வெங்காயம், தனியாத்தூள் இவற்றையும் போட்டு உப்பு கறிவேப்பிலை , பெருங்காயத்தூள் சேர்த்து அரைத்து எடுக்கவும்.
இப்போது மணம் மற்றும் சுவையுடன் கூடிய முள்ளங்கித் துவையல் தயார். இது இட்லி மற்றும் தோசைக்கு நன்றாக இருக்கும்.