கமர்க்கட்டு – Coconut – Jaggery Candy – சமையல் குறிப்பு – மகளிர் பகுதி
கமர்க்கட்டு செய்வதற்கு மிகவும் எளிது. ஆனால் மிகவும் சுவையானது. இது சிறியவர்களும் பெரியவர்களும் விரும்பி உண்ணும் பழமை வாய்ந்த மிட்டாய் / இனிப்பு வகைகளில் ஒன்று. பெரியவர்கள் இதை உண்ணும்போது, அவர்களின் குழந்தைப்பருவத்திற்கே பின்னோக்கி அழைத்துச் சென்றுவிடும்.
தேவையான பொருட்கள்
- தேங்காய் = 1 மூடி (முற்றியது)
- பாகு வெல்லம் = 75 கிராம்.
செய்முறை
- முதலில் தேங்காயைச் சிறு சிறு துண்டுகளாக அரிந்து மிக்ஸியில் போட்டு தண்ணீர் ஊற்றாமல் பொடி செய்து எடுக்கவும்.
- பின் ஒரு அகலமான பாத்திரத்தை அடுப்பில் வைத்து, அடுப்பை மெதுவாக எரிய விட வேண்டும்.
- தேங்காய்ப் பொடியை பாத்திரத்தில் போட்டு பொன்னிறமாக வறுத்து எடுத்துக் கொள்ளவும்.
- வெல்லத்தைப் பொடி செய்து கொள்ளவும். பின் பாத்திரத்தை அடுப்பில் வைத்து அதில் சிறிதளவு தண்ணீர் ஊற்றி அதில் வெல்லத்தைப் போட்டு கிளறவும். வெல்லம் கரைந்து கொஞ்சம் கெட்டியானவுடன் வறுத்த தேங்காய்ப் பொடியையும், அதில் போட்டு நன்றாகக் கிளறவும்.
- கெட்டியான பதம் வந்தவுடன், பாத்திரத்தை அடுப்பிலிருந்து இறக்கி அகலமான தட்டில் கொட்டி 5 நிமிடம் ஆற விடவும்.
- பின் அதை சிறு சிறு உருண்டைகளாக உருட்டி வைக்கவும்.
- சிறுது நேரத்தில் கமர்க்கட்டு நன்றாக கெட்டியாகி விடும்.
இப்போது சுவை மிக்க கமர்க்கட்டு தயார்.